ჯგუფი No Doubt ახალ ალბომზე მუშაობას განაგრძობს, რომელიც 2001 წლის შემდეგ კოლექტივის პირველი ნამუშევარი იქნება. ”უკვე ბოლო დეტალებს ვათანხმებთ, თუმცა ჯერ კიდევ ბევრი საქმე გვაქვს,“ - წერს გვენ სტეფანი ტვიტერზე. აღსანიშნავია, რომ ჯგუფმა უკვე დაასრულა სიმღერის „Undone“ ჩაწერა. ტრეკზე მუშაობის ვიდეო-ვერსიას ჯგუფის წევრები თაყვანისმცემლებს სულ მალე შესთავაზებენ. სავარაუდოდ, სწორედ ეს სიმღერა იქნება ალბომის პირველი სინგლი. შეგახსენებთ, რომ No Doubt-ის უკანასკნელი ალბომი „Rock Steady“ 2001 წლით თარიღდება.