ინდიანას შტატში, Lucas Oil- ის სტადიონზე მადონამ ამერიკული ნაციონალური ფეხბურთის ლიგის სუპერთასის დროს წარმოდგენა გამართა. გრანდიოზული შოუ შთამბეჭდავად გაიხსნა. ეგვიპტურ სამოსში გამოწყობილი მადონა შოუს მონაწილე მსახიობებით იყო გარშემორტყმული. მომღერალი დედოფალ კლეოპატრას განასახიერებდა. მას გრძელი, მდიდრული ოქროსფერი მოსასხამი ეცვა და გვირგვინი ეხურა. შოუ სიმღერა ”Vogue” გაიხსნა. ამ დროს სცენა ჟურნალ Vogue-ს გარეკანის გამოსახულებებით აჭრელდა. მადონამ თავისი ახალი სიმღერა "Give Me All Your Luvin" იმღერა. შოუში მომღერალთან ერთად, ამერიკული პოპ ჯგუფი LMFAO, მუსიკოსი ნიკი მინაჟი, მომღერალი მია და რეპერი სი ლო გრინი მონაწილეობდნენ.