ჟურნალმა Mixmag ყველა დროის საუკეთესო საცეკვაო ჯგუფი გამოავლინა. რეიტინგის სათავეში ბრიტანული ელექტრონული ტრიო The Prodigy მოხვდა, მეორეზე ფრანგული დუეტი Daft Punk, ხოლო მესამეზე The Chemical Brothers, საუკეთესო ხუთეულში ასევე Faithless და Deadmau5 მოხვდნენ. აღსანიშნავია, რომ გამოკითხვა ჟურნალის მკითხველებში 2011 წლის ოქტომბრიდან დეკემბრის ჩათვლით მიმდინარეობდა. რაც შეეხება სალიდერო პოზიციაზე მყოფ The Prodigy-ს, ის 1990 წელს შეიქმნა, მთელი თავისი არსებობის მანძილზე მან ხუთი სტუდიური ალბომი ჩაწერა, ამ დროისათვის უკანასკნელი ”Invaders Must Die” 2009 წლით თარიღდება. გამოსვლიდან მალევე დისკი ბრიტანული ჩარტის სათავეში მოხვდა.